星期四, 9月 23, 2010
油塘路試全攻略及重點分析
以下是本站的小小心得分享:
考油塘路試最大的障礙就是經常變化的交通改道及水泥車出入地盤, 所以要特別留意不要太接近物體及交通燈訊號方向, 留意去到鯉魚門道前的分為向前及向右的交通燈轉右指揮燈號, 通常向前的指揮燈號會首先亮起, 然後才到向右的指揮燈號亮起, 所以切不可因考試心情緊張而心急, 當黃色的指揮燈號亮起時便衝過去, 這樣會導致考官採取行動制停部車!!!
A線: 仁宇圍線
B線: 鯉魚門線
C線: 高超道線
A線: 仁宇圍線
注意:嘉榮街起步,望右,打燈, 開車,澤鐵蓋, 對竹樹, 留意左方常有貨櫃車阻住, 避免太接近物體, 上二波, 速度:15-20km/h,預防有阿婆, 行在路上, 不可響號, 要用一波, 慢行至路口有2種方法, 轉一波慢慢溜出去, 停2次, 左方通常有貨櫃車遮住, 烏低頭望左, 確保冇車, 轉右, 右方可能完全冇車泊, 留意:轉彎位置不正確及未能在適當行車線上行駛, 當車攞直時可轉2波, 至路口減慢, 溜出去, 留意右方車輛, 轉彎留意車尾有冇太接近駁位, 如望見剛轉綠燈, 可用3波, 至燈前稍收慢, 轉彎前打燈, 望右, 落2波, 留意對頭車, 轉右, 用2波行駛, 至路口用一波, 遮鐵蓋, 慢慢溜出, 望右方, 必要時拉手制, 確保冇車後轉左, 轉時要留意對頭泥頭車, 上2波, 打左燈, 轉左, 望右, 交通情況許可上3波, 至燈位前下2波, 過燈號後, 可上3波, 留意可能有小巴等客,要爬頭, 或不需爬頭,後面等, 至上斜前下2波, 這裡要留意交通常改道,斜路停車, 開車技巧,左腳要定在磨擦點2秒,右腳加少許油門,用2波上到頂, 可上3波, 打右燈, 擰頭,減速, 黃格前落2波,留意:可能有對頭車,轉1波,拉手制,轉右:留意交通改道, 有泥頭車倒後出入地盤, 指揮員, 太接近物體, 貼左/右線, 至迥旋處前留意交通情況, 車輛通常不會打燈, 留意迥旋處前車輛是否已越過迥旋處中的位置, 如未超越, 通常有時間轉左, 或回終點, 打右燈, 望左, 再望左, 至嘉榮街, 左轉不要貼影線, 留空位給行人過馬路, 回終點, 做結尾全套動作
B線: 鯉魚門線
前半段路和A線的完全一樣, 請參考以上文章
左轉鯉魚門道, 留意尾隨車輛, 望中鏡, 望右鏡, 確保交通許可才爬頭, 必要時可用1波慢溜, 如前面有巴士, 什至要拉手制停車, 如尾隨車輛是巴士, 因它要埋站, 所以可爬頭, 之後留意交通燈, 因為留意有微向上斜, 開車起步同斜路一樣, 不要溜後, 之後用3波, 留意:交通改道, 要轉左切線, 再轉右切線, 交通燈前停, 留意此交通燈有向前及向右箭咀!!! 所以要看清楚才開車! 右轉上高超道, 高超徑3手掉頭, 高超道斜路開車/停車, 留意:交通改道!!! 地鐵標誌前打右燈, 下2波, 燈位前停, 右轉, 留意有小巴死車, 要爬頭, 上3波, 入回左線, 留意: 的士上落客, 私家車泊一半在路邊及巴士埋站, 準備爬頭, 至墳場出口藍牌前下2波, 留意迥旋處右方:如判斷車未過白線, 可出車, 打左燈, 入右線, 回終點, 或在彎位入右線, 回終點, 做結尾全套動作
C線: 高超道線
前半段路和A線的完全一樣, 請參考以上文章
上高超道, 留意有小巴/的士埋站, 爬頭, 再切回左線, 用2波, 到頂用3波, 燈位用2波, 用3波下斜, 至廟前急彎, 用brake不用落波過, 攞直下2波, 至燈位停車, 留意:轉左交通改道, 至迥旋處前用回2波, 留意:高超道有冇車落, 右方有車上高超道, 如冇, 出車, 入左線, 切右線, 回終點, 做結尾全套動作
This post was written by: 佐縢社長
佐縢社長希望提供一站式的學車, 考車, 路試資訊給各位學神朋友們, 並以自己學車的經驗及心得各大家分享
